أنه يحفظك من كل سوء ويبعد عنك اولاد الحرام والمستغلين
أنه يحقق لك كل احلامك الجميلة واللي فيها خير ليكي في الدنيا والاخرة
أنه يقويكي في كل الصعوبات وانه تكون قادرة تفكري في وسط دوشة المشاكل وضباب العواطف
وانه يسعد قلبك ويسهللك طريقك ويعينك في كل خطوة
وكمان بدعي ربنا
اني اكون معاكي لحد الممات
وان قلبك يلين ولو شوية وتبطلي عناد ملوش معني
انه يفهمك اني معاكي مش ضدك وان حبي ليكي مالي علي كياني واني عاوزك افضل الناس واحسنهم واكرمهم
واني قادر ارعاكي واحميكي واخد بالي منكي واشرفك واكرمك واحترم اهلك واكون معاكي شريك في طريق احلامك واحلامي
بدعي ربنا
ان ف يوم وياريته يكون النهاردة ومش عاوزه يتاخر ثانية
ان قلبك يتفتح لقلبي..وتشوفيني بشكل تاني
شكل ينتهي معاه كل الالم ده ويكون الوصال هو اللي بيننا
وصال جميل ...حبيب وحبيبة
زوج وزوجة
شريك وشريكة
بدعي ربنا
اشوف ف عينيكي رضا وحب لي
وترحيب ودراعات مفتوحة وشوق باين في الصوت
بدعي ربنا
يخلق حبي في قلبك زي النبتة في وسط الصحرا
بدعي ربنا انه بعد كتابة السطور دي مكتبشي اي سطر تاني في الالم والشجن والعذاب
امين يارب العالمين
No comments:
Post a Comment