طب أعمل ايه ؟؟

كتبت هذه القصيدة قبل يومين من اخبارها عن حبي

وندمت بعدها

طب أعمل ايه ؟؟
بيني وما بينك خطوتين
او كلمتين
وساعات بشوفك واحكي ليكي وتحكي لي

بقول كلام من كل نوع
بقول حكاوي من الحياة
بقول حكم وبقول صلاة
وبقول حاجات بتحبي انتي تسمعيها
انتي اللي قلتيلي كدة
بتحبي دايما تسمعيها

بقعد معاكي بالساعات مش عاوز اقوم
ياريته فيه شئ اعمله عشان لقائي بحضرتك يفضل يدوم
بقول جميع وكل حاجة
ما عادا شئ
اني بحبك يا جميلة الروح بجد
اني بحبك يا سلامي يا هدوئي
يا ياقوتي ويا ربيعي

عينك جميلة يا حبيبتي
روحك بريئة وكل شئ فيكي برئ
انا عاوز اقول بهواكي لكن
خايف اضيع صحبتك من بين ايدي

لو كنت اضمن يا حبيتي
انا كنت قلت وقبل مذكر اسمك انتي
اقول حبيبتي
اقول يا روحي
اقول فؤادي

تعبت يا بنتي تعبت ومش بنام
بخاف عليكي من الزمن
بخاف عليكي من الطريق
بخاف عليكي من العيون
ومن ولاد السوء وعشاق الحرام

بحب قلبك
بحب عقلك
بحب يا روحي عيونك
بحب جسمك
بحب روحك
بحب افكارك وشكلك
بحب اخلاصك وادبك
بحب عرقك
بحب خصلة شعر باينة من حجابك
بحب تحكيلي ساعات عن ذكرياتك
بحب حبك للحياة
بحب صبرك عالحياة
بحب لما تكلميني وتساليني
فاضي تقابلني او تشوفني ؟

اه يا حبيبتي
اهو انتي يا بنتي ملكتي
وانقي من كلماتي اداري عاللي في
ما هو انتي يا روحي بعاملك زي اختي
واجب علي تكوني اختي
لكن بحبك نفسي اقوللك يا حبيبتي

واكون معاكي في كل حتة
مش بس من خمسة لستة
مش بس يوم اه.... ويوم نفوت
مش بس لما نيجي نحكي ف حاجة جد

ايوة بحبك